Í samræmi við 25. gr. skipulags- og byggingarlaga nr. 73/1997, m.s.br. er hér með auglýst tillaga að deiliskipulagi þónustu- og íbúðarbyggðar sunnan Kjarna.
Í tillögunni felst tillaga að byggingarreit fyrir viðbyggingu við Laugasel ásamt 2 þjónustulóðum. Tvö núverandi íbúðarhús, Hólabraut og Hólabrekka, eru innan deiliskipulagsreitsins og eru lóðir þeirra nánar afmarkaðar í deiliskipulaginu. Sunnan við einbýlishúsið Hólabraut er gert ráð fyrir íbúðarhúsagötu samhliða þjóðvegi nr. 1, með 4 lóðum fyrir parhús og einbýlishús á einni hæð neðan við götuna. Ofan við götuna er gert ráð fyrir 5 lóðum fyrir einbýlishús, parhús eða fjórbýlishús á 2 hæðum.
Á milli nýju íbúðabyggðarinnar og þjóðvegarins er gert ráð fyrir hljóðmön. Skipulagið tekur mið af hraðadempandi tillögum á þjóðvegi nr. 1 með hringtorgum þar sem ekið er inn í byggðarkjarnann og nánari umferðarstýringu inn á þjóðveg nr. 1 í gegnum byggðakjarnann.
Skipulagssvæðið er u.þ.b. 4 ha að stærð.
Skipulagsuppdráttur ásamt greinargerð verða til sýnis á skrifstofu sveitarstjórnar Þingeyjarsveitar frá 5. mars 2003 til 2. apríl 2003.
Þeim sem telja sig eiga hagsmuna að gæta er hér með gefinn kostur á að gera
athugasemdir við tillöguna. Skriflegum athguasemdum eða ábendingum skal skila á sveitarstjórnarskrifstofur Þingeyjarsveitar í Kjarna fyrir 16. apríl 2003. Þeir sem ekki gera athugasemdir innan tilskilins frests teljast samþykkir tillögunni.
Sveitarstjórinn í Þingeyjarsveit | 
